2018/11/20

Lezoarren txanda, ikasturte hasierako afarietan!



Pasaiako Txirrita AEK izan zen ikasturte hasierako afaria antolatzen lehena. Haren ondotik etorri ziren Oreretako Xenpelar AEK-koak, eta joan den astean, Oiartzungo Intxixu AEK-k pintxo lehiaketa egin zuen. Borobila ixteko asteburu honetan, Lezoko Oroitzene AEK euskaltegiko irakasleak eta ikasleak elkartuko dira mahaiaren bueltan. Euskaraldia indartsu hasteko aitzakia perfektua!!!

2018/11/19

Izan Belarriprest edo Ahobizi!

Oarsoaldeko AEK-ko irakasleak, Lezoko Oroitzene AEK euskaltegiaren atarian.

Badator, badator Euskaraldia! Oarsoaldeko AEK-ko irakasleok, jakina, bat egiten dugu Euskaraldiarekin, eta espero dugu azaroaren 23tik abenduaren 3ra arte Belarriprest eta Ahobizi asko ikustea Lezo, Oiartzun, Orereta eta Pasaiako kaleetan. Goazen hizkuntz-ohiturak aldatzera, goazen euskara lehen planoan jartzera!

Ez ahaztu txapa jaso ahal izateko izena eman behar dela euskaraldia.eus webgunean.

Bestalde, Euskaraldiarekin lotuta, ekitaldi asko egingo dira eskualdean. Hona hemen horietakoren bat, gaur bertan.

2018/11/12

Oarsoaldeko AEKren azaroko zozketa!


Donostiako San Telmo museora joan nahi duzu? Ba, horretarako galdera bati erantzun behar diozu.

Zenbat kilometro ditu Txinan ireki duten zubiak? Erantzuna azaroko AIZU! aldizkarian topatuko duzu.

Bidali erantzuna azaroaren 16a baino lehen oarsoaldekoaek@gmail.com helbidera, eta San Telmo museora joateko bi sarreren zozketan parte hartu ahal izango duzu.

Animatu eta zabaldu!


2018/11/07

Euskaraldia Oarsoaldeko AEKra iritsi da!



Euskaraldia badator. Azaroaren 23tik abenduaren 3ra bitartean Euskal Herri osoan, eta bereziki gure eskualdean, Belarriprest eta Abobizi asko ikustea espero dugu, noski!

Egun hauetan, saioak egiten ari dira eskualdeko euskaltegietan, rol bakoitzaren funtzioak zeintzuk diren ikasleei azaltzeko.

Gogoratu izena internetez eman behar dela, edo bestela, zure euskaltegian galdetu!



Euskaraldia: zer, non, nor, noiz eta nola. from Euskaraldia on Vimeo.

2018/10/31

AEKren neguko liburu eskaintza



Hementxe duzu AEKren neguko liburu eskaintza! Animatu eta aukeratu gustatzen zaizuna! Mailaren arabera aurkituko dituzu sailkatuta liburuak.

2018/10/30

Oiartzungo Intxixu AEKn ere, gelak beteta!


Oarsoaldeko AEKren beste euskaltegietan bezala, Oiartzungo Intxixu AEKn ere, herritar asko ari dira euskara ikasten edo hobetzen aurrez aurreko taldeetan eta autoikaskuntzan. Argazkian, C1 mailako goizeko taldea Jon irakaslea ondoan dutela.

Eutsi goiari, koadrilla!