2019/01/23

Pasta ekologikoa egiten ikasten ari gara Oarsoaldeko AEKn




Pasaiako Txirrita AEKn asteartean egin dute tailerra.
Urtarrileko Mintzagun tailerrean, pasta ekologikoa egiten ikasten ari gara  Oarsoaldeko AEKko euskaltegietan, Zituene obradore kooperatiboko kideei esker. Pasaiako Txirrita AEKn eta Oreretako Xenpelar AEKn izan dira jada Zitueneko kideak, eta datozen egunotan, Oiartzungo Intxixu AEKra (ostegunean, urtarrilak 24, 18:15ean) eta Lezoko Oroitzene AEKra (urtarrilaren 31n, osteguna), eta joango dira.

Oarsoaldeko Garapen Agentziak antolatzen ditu Mintzagun tailerrak, eskualdeko euskaltegiekin elkarlanean,  ikasleek, ohiko klaseetatik kanpo ere, euskara erabilgarria dela ikusteko. 2012tik hona mota guztietako tailerrak egin izan dira: zinemarekin lotutakoak, gastronomiarekin lotutakoak, sexualitateari buruzkoak...

Zitueneri buruzko info +


2019/01/22

Izan Korrika laguntzailea!

12 euroren truke, Korrikari laguntzeaz gain, 21. Korrikaren pina eta txartela eskuratuko dituzu, eta deskontuak izango dituzu Euskal Herriko hainbat dendatan. Ez hori bakarrik! Zozketa batzuetan ere parte hartuko duzu!

Ez izan dudarik! Izan Korrika Laguntzailea! Eman izena zure euskaltegian!

Informazio +

2019/01/17

Hona hemen Lezoko Oroitzene AEKko taldeetako batzuk!

B1 mailako taldea Edurne Lizarazu irakaslea buru dutela

B2-C1 mailako taldea Imanol Fernandez irakaslearekin

Idurre Lopez irakaslea, C2 mailako ikasleekin

2019/01/14

Oreretako Xenpelar AEKko ikasle eta irakasleak ezagutu nahi dituzu?

A1 mailako arratsaldeko taldea

A2 mailako gaueko taldea Urtzi Leonet irakaslearekin

Elena Vazquez irakaslea buru dutela, arratsaldeko B1 mailako ikasleak

B1 mailako goizeko taldea Urtzi Leonet irakaslearekin

B2 mailako arratsaldeko taldea, Maialen Otegi irakaslearekin
A1 mailako goizeko taldea, Iosu Ostolaza irakaslearekin
Goizeko B2-C1 mailako ikasleak, Amaia Arruti irakaslea buru dutela

2019/01/07

Natxo del Cura Oarsoaldeko AEKren ikaslea, Errepide Galduak saioaren protagonista

Ander Izagirre kazetaria eta Natxo del Cura.


Natxo del Cura Martin, Oarsoaldeko AEKren ikaslea, ETB1eko Errepide Galduak saioaren protagonista izan da. Natxo espeleologoa da, eta berak erakutsi dio Ander Izagirre aurkezleari Zestoa inguruko kobazulo batean dagoen ilargi esnea izeneko fenomeno harrigarria. Kobazuloa meategia zen garai batean, eta ikatz mota bat ateratzen zuten porlana egiteko. Hain zuzen ere, hori da ilargi esnearen jatorria.

2018ko abenduaren 27ko saioan aritu ziren solasean Natxo eta Ander Izagirre kobazuloaren barruan, eta EITB Nahieran duzue ikusgai.