Oiartzungo euskaltegiko sei ikasle Arantzako barnetegian izan ziren
joan den asteburuan. Haien esperientziaren berri eman digute ondoko
kronikaren bidez:
Joan den asteburuan Oiartzungo AEKko talde txiki bat Arantzako
Barnetegira joan ginen. Gure helburua euskaraz bizitzea eta
mintzamena hobetzea zen.
Oiartzungo sei ikasleak (Mertxe, Patxi,
Eli, Bea, Paola eta Wanderson) elkarrekin joan ginen. Arantzako
barnetegian 20:00etan egon behar genuen. Irakasleak gure zain zeuden
irribarre batekin. Ordurako Nuriak eta Martak (gure irakasleak) dena
prest zuten.
Larunbatean, esnatu ginenean
gosaltzera joan ginen. Gero, bazkalordura arte klaseak izan
genituen. Arratsaldean, berriz, oso txango polit bat egin genuen.
Zehazki, San Juan Zahar iturrira joan ginen eta asko gustatu
zitzaigun. Eguna bukatzeko, afaldu eta gero, parranda bat inprobisatu
genuen...
Igandean, azkenik, gauza asko egin
genituen. Hasteko, tailer bat egin genuen xaboia egiteko. Ondoren,
klasea eduki genuen, eta gero, herrira joan ginen hamaiketako
hartzera. Bukatzeko, elkarrekin bazkaldu, tabernan kafe bat hartu eta
elkar agurtu genuen.
Gure ustez oso esperientzia
dibertigarria, aberasgarria eta gomendagarria izan da. Datorren
urtean posible badugu, errepikatuko dugu!
Eskerrik asko bihotzez
antolatzaileei!
Mertxe, Patxi, Eli, Bea,
Paola eta Wanderson
(Oiartzungo Intxixu
euskaltegiko B1 mailako ikasleak)
Iruzkinak
Argitaratu iruzkina