Pasai Antxoko Korrika Kulturala: Onintza Enbeitak 'Izurritea' liburua aurkeztuko du ostegunean
Martxoaren 3an, osteguna, Onintza Enbeitak (Muxika, Bizkaia 1978) argitaratu berri duen liburua, Izurritea, Pasai Antxoko kultur etxean aurkeztuko du, 19:30ean.
Pandemiari
aurre egiteko egindako kudeaketa. Hain zuzen ere, horri buruz
hausnarrarazi nahi die Onintza Enbeitak irakurleei. 22. KORRIKAren atarian
herrian egingo diren ekintzetako bat da honako hau. Sarrera librea da.
Hona hemen, Onintza Enbeitari BERRIA egunkarian duela gutxi egindako elkarrrizketatik ateratako aipu batzuk:
"Argi daukadana da duela hogei urte esan izan baligute etxean sartuko
ginela gaitz batengatik edo horrelako egoera batengatik, ez genuela
onartuko".
"Uste genuen baino askoz ere indibidualistagoak
ginen. Garai batean, komunitateak eraikitzen zituen zubiak; orain,
norberak bakarrik".
"Zaintza erdigunean jartzearena azken
urteetako aldarrikapen interesgarrienetakoa da, feminismoak plazaratua.
Pandemian argi bistaratu da elkar zaintzeko beharra, baina ez dezagun
ahaztu eraiki dugun gizartea horren kontra doala".
"Adineko
jendearekin egin duguna eta zahar etxeetan egin dena krimen bat da.
Haiei galdetu gabe belaunaldi oso bat etxean eta zahar etxeetan sartu
eta abandonatu ditugu, kalera ateratzeko aukerarik gabe, bisitak
jasotzeko aukerarik gabe..."
"Muturrak zehaztu eta sendotu
dira: dena ondo egin duten herritar eredugarrien eta dena izorratu duten
herritar gaiztoen artean banatu da guztia".
Iruzkinak
Argitaratu iruzkina