Zugandik oso gertu gaude!
Oarsoaldeko AEK-ko kideok 2019-2020 ikasturterako matrikulazio-kanpaina aurkeztu dugu Oreretan. Eskualdeko lau euskaltegietan, zure eskaerari erantzungo dion eskaintza aurkituko duzu: eskolak euskaltegian, autoikaskuntza, merkatarientzako ikastaroak, langabetuentzako trinkoak, mailak egiaztatzeko ikastaroak, erabilera areagotzeko jarduerak, mintzalaguna egitasmoak, AIZU! aldizkaria...
Gurekin lortuko duzu euskara ikastea edo hobetzea, baita mailak egiaztatzea ere; baina horrekin guztiarekin batera, egunerokoan euskara gehiago erabiltzea lortuko duzu. Ildo horretatik, kanpo ekintzek garrantzi handia dute gurean. Joan den ikasturtean hainbat ekintza jendetsu eta arrakastatsu egin genituen: Pagoetara txangoa, Korrikotea, tokian tokiko afariak, Bikoizketa Lehiaketa... Aurten berrikuntzak izango ditugu kanpo ekintzen arloan.
Iraila bukaera arte Oarsoaldeko AEK euskaltegietan izena emateko aukera izango duzu, zugandik gertu gaude. Zure zain gaude!
Oarsoaldeko AEK
Lezoko Oroitzene AEK
lezo@aek.eus / 943 519144
Oiartzungo Intxixu AEK
oiartzun@aek.eus / 943 493957
Oreretako Xenpelar AEK
orereta@aek.eus / 943 340233
Pasaiako Txirrita AEK
pasaia@aek.eus / 943 525545
Iruzkinak
Argitaratu iruzkina