Euskara eskoletan izena emateko aukera Donibanen ere!

Ezker-eskuin Raul Perez, Udane Migeltorena eta Xabier Alegria Oarsoaldeko AEK-ko irakasleak,
Donibaneko Ubera liburutegiaren kanpoaldean

   

     Irailaren bukaera arte egongo da Oarsoaldeko AEK euskaltegietan izena emateko aukera. Baina aurtengo ikasturtea berritasunekin dator. Izan ere, Pasai Donibaneko Ubera liburutegian izena emateko aukera eskainiko da irailaren 12, 19 eta 26an asteazkenarekin 10:00etatik 13:00etara eta 17:00etatik 20:00etara.

      Iazko ikasturtean zabaldu zuen Donibanera bere eskaintza Oarsoaldeko AEK-k. Eta hamarretik gora dendari eta tabernari aritu ziren Pasaiako Udalak bultzatutako ekimen honetan. Aurtengoan eskaintza zabaldu nahi du Oarsoaldeko AEK-k eta zenbait ikastaro eskainiko ditu Pasai Donibanen. Bereziki merkatarientzat, gurasoentzat, hasi berrientzat eta mintza landu nahi dutenentzat.

     Bertaratzen direnek informazio guztia jasoko dute eskola horien inguruan.