Justo, Txirrita AEK euskaltegiko artista!

     Oarsoaldeko AEKren ikasleen artean artista mordoa dugu. Justo Erimias sanjuandarra horietako bat da. Juanba Berasategi marrazkilari ezagunak eman ohi ditu urtero hainbat zertzelada herria mozorrotzeko eta Justok haren marrazkiak errealitate bihurtzen ditu. Hori horrela, zirkua edota Far West itxura hartu du Donibanek azken urteotan.
     
        Aurtengo gaia Orreagako bataila da eta inauterietan gaudela aprobetxatuta, Pasaiako Txirrita AEKko ikaskideek bertatik bertara ikusi dute Justoren lana.

     Ez hori bakarrik! Hurrengo hitzordua ere finkatu dute: bi aste barru Donibanera itzuliko dira Justoren tailerra ezagutzera.