Ba al zenekien limoiak buruko mina aritzen duela?

-->

Azken asteotan Maddalen Etxeberriak aromaterapiari buruz hitz egin du  Oarsoaldeko AEK euskaltegietan. Aromaterapia hitza berri samarra da gutako askorentzat, baina Maddalenek gogora ekarri du Babilonian eta Egipton erabiltzen zutela momifikazioak egiteko. Pentsa, aspaldiko kontua da! Zer da, zehazki aromaterapia? Hementxe definizio bat: sendabelar usaintsuek sortutako molekulak modu terapeutikoan erabiltzea. Eta zertarako balio du? Ba egoera fisiko, emozional eta mentalaren arteko oreka lortzeko.

Hainbat aholku eman dizkigu Maddalenek ikasle eta irakasleoi. Beti ere tanta gutxi batzuk bota behar dira, erromeroak, labandak, mendak, limoiak edota geraneoak indar handia dutelako. Hori dela eta, aipatutako lore, zuhaitz eta fruituen olio esentzialak olio begetalarekin nahastea da onena. Ez da, ordea, olio esentziala urarekin nahastu behar. Eta nola erabiltzen dira? Ba era batean baino gehiagotan: masajeetan, bainu aromatikoak hartzeko, paper edo zapi batean bota daitezke olio tanta horiek...

Eta bati baino gehiagori harrigarria egin zaigu entzutea zenbat onura dituzten olio esentzialok. Adibidez, erromeroa arnasa hartzea kosta egiten zaien pertsonentzat oso ona da; kamamila, indigestioetarako ona izateaz gain, nekea arintzen du; limoiak zefaleak eta migranak -buruko minak- kentzen ditu; te zuhaitzak barruko infekzioetatik babesten gaitu... Horretaz gain, usaintsuak direnez, oso egokiak dira urduritasuna kentzeko eta ondo lo egiteko.