Txirrita euskaltegiaren afari jendetsua

 

Bai ba! Pasai Antxoko Txirrita euskaltegiko afarian 34 lagun elkartu ginen; irakasleak eta ikasle saiatuak. Marka! Giro ederrean afaldu genuen ostiralean Ekarri tabernan -euskaltegiaren ondo-ondoan-. Karpetak, kaierak, boligrafoak eta beste guztia utzi genuen euskaltegian eta tabernara gosea eraman genuen: entsalada, oilaskoa patatekin edo bakailaoa, txokolate eta gazta tartak...

Eta noski, postrea eta gero abesteko garaia iritsi zen. Ikusi mendizaleak, Furra furra, Txantxibiri... Bata bestearen atzetik kantatu genituen, tabernatik atera ginen arte. Ekarritik, Mimos tabernara, trago bat hartzera eta argazki sesioa egitera. Batzuk goiz etxeratu ginen bitartean, beste batzuek sasoitsu daudela erakutsi eta ordu txikiak arte jarraitu zuten dantzan.

Langa goi-goian jarri dugu, baina datorren afarirako erronka botata dago: baietz berrogei lagun elkartu!

Argazki gehiago ikusi nahi badituzu, Txirrita euskaltegiaren facebook orrian sar zaitez. Merezi du!!!