AEK-REKIN, OARSOALDEAN, EUSKARA BIZIA
Bizi-bizia
dator aurten AEK matrikulazio garai honetan, bizi baitugu euskara, gure
hizkuntza; bizi baikara euskaraz. Aurten ere, ohi bezala, hizkuntza bera
ikasteko eta lantzeko abagune bizia.
Horren
berri ematera gatoz gaurko egunean Oiartzungo, Pasaiako, Lezoko eta
Orereta-Errenteriako AEKren euskaltegiek osatzen duten Oarsoaldeko AEKkook.
Gauza
jakina da gure metodologia bizia dela eta gure konpromisoa bizipen horiek
ematea herritar guztiei, euskalduntzea Euskal Herriko eta Oarsoaldeko azken
txokoraino eramatea. Horrexegatik gara hedapen zabalena duen euskaltegi sarea,
hala Euskal Herrian nola Oarsoaldean bertan. Horrek guztiak eraman gaitzake
esatera herritarrei hitza emateaz gain, hitzekoak ere egiten gaituela. Izan
ere, helduen euskalduntze eta alfabetatzearen arloak azken urte luzeotan eskatu
dituen erronka berrietara egokitzen saiatu gara.
Etengabeko
egokitze prozesu horrek askotariko fruituak eman dizkigu, esaterako:
l
Gaur egun ordutegi aldetik zein bestelako faktoreak direla
medio ezintasunak izan ditzaketen ikasleei zuzendutako autoikaskuntza sisteman
aitzindarietakoak izan gara Euskal Herrian eta sistema horixe eskaintzen dugu
Lezon, Oiartzunen eta lehen aldiz Antxoko Txirrita AEK euskaltegian (bertako
udalen berariazko laguntzaz).
l
Hizkuntza bat ikasteko eremu naturaletan eta
eraginkorretan sinisten dugunez, Familia Transmisiorako kanpainetan ere
aitzindari izan gara eta Gogoa Zubi bezalako kanpainak jarri ditugu abian,
eskualdeko erakundeekin batera. Kanpaina horiexek gaur egun eredu dira Euskal
Herri osoan.
l
Azken urteotan enpresa nahiz bestelako elkarteen neurrira
egindako ikastaroetan eskarmentu handia hartu dugu: bai euskalduntze
orokorrekoetan bai xede berezikoetan. Ikasleak honakoetan izan ditugu: Pasaiako
Portua, Tajo Coop, ABB Niessen, Haurtzaro Ikastola, Carrefour, Pasaia-Lezo
Lizeoa, Oiartzungo Udala, AlCampo, Errenteriako Udala...
l
Edozein hizkuntza ikasteko modurik azkarrena eta
eraginkorrena erabiliaz dela uste dugu, horregatik, erabilerari berebiziko
garrantzia ematen diogu. Hala, geure eguneroko eskoletan mintzamenari eta
gaitasun ekoizleei leku berezia eskaintzeaz gain, erabilerarekin zuzenki
lotutako ekimenak sortu eta sustatzen ditugu: eskolaz kanpoko jarduerak,
asteburuko barnetegitxoak, ikastaro berezituak, Mintzalagun egitasmo
desberdinetako kudeaketa edota sustapena...
l
Euskalduntzea prozesu integral gisa ulertzen dugu eta
geure jarduna dibertsifikatu egin dugu. Era horretan, AHIZE zerbitzuaren bidez
hainbat egitasmo eraman ditugu aurrera: Pasaiako Portuaren euskalduntze
planaren kudeatzaile izan gara, baita Lezo
Berriro Euskaldun egitasmoarena ere; Lanbide Heziketako ikasleen
praktikaldiak euskalduntzeko egitasmoa kudeatzen dugu, Oarsoaldea Garapen
Agentzia eta Don Bosco ikastetxearekin batera...
Euskara
bizia eta euskaraz bizi, horiek dira gure eskaintzak eta helburuak. Euskaltegia
eskaini zuzenean euskaraz entzun eta mintzatzeko. Aldi berean, azterketa
ofizialak prestatzeko ikastaroak ere berdin-berdin jarraituko dugu eskaintzen.
Eta herrietako euskalduntzean ere eragiten jarraituko dugu, hainbat ekitaldi
sozialetan parte hartuz: Santo Tomas azokak, jaietako ekitaldiak, udaberri
jaiak, sagardo egunak...
Ikusten
duzuenez, herritarrek euskara bizia jaso eta bizi ez dezaten aitzakia gutxi
egon liteke, Oarsoaldeko AEK-k ahalik eta erraztasun gehien ematen ditu-eta.
Lezoko
Oroitzene AEK
Donibane
12, Lezo.
943
519144
Oiartzungo
Intxixu AEK
Fermiñene
Etxea. Aialde 2, Oiartzun.
943493957
Oreretako
Xenpelar AEK
Biteri
30, 1. Orereta
943340233
Pasai
Antxoko Txirrita AEK
Zumalakarregi
9 (atzeko aldea)
943525545
Iruzkinak
Argitaratu iruzkina