Hilaren 4tik 12ra eman behar da izena HABEren azterketa egiteko

Irungo Ficoban izango da idazmen-proba

 

B1, B2, C1 et C2 mailako azterketak egin ahal izateko, ikasleok apirilaren 4tik 12ra bitartean eman behar duzue izena HABEren webgunean (matrikula-ordaina: 40€). Bigarren urtez jarraian, idazmen-probak Irungo Ficoban izango dira.

Izena emateko habe.euskadi.eus webgunean sartu behar da eta honako urrats hauek jarraitu:

Hasi saioa > Azterketak: matrikulak eta emaitzak > (aukeratu deialdia eta maila) > matrikula egin/ikusi 

*Webgunean sartzen zaren lehen aldia baldin bada, pasahitza aldatzeko eskatuko dizu, baina berdina jar dezakezu. Gogoan izan:

• Erabiltzailea: zure karnetaren zenbakia letra gabe
• Pasahitza: Lehen aldia bada, berriro karnetaren zenbakia. Eta bestela, aurretik jarrita zenuen pasahitza.
  

*Kontuan izan izena emate prozesua ordainketarekin bukatuko dela, eta hori epe barruan egin behar duzu.

Hona hemen egutegia:

Idazmen-probak (Irungo Ficoban)

• B1: maiatzaren 6an (ostirala)
  
• B2: maiatzaren 5ean edo 6an (osteguna edo ostirala)
  
• C1: maiatzaren 4an (asteazkena)
  
• C2: maiatzaren 4an (asteazkena)
  

• Mintzamen-probak (Donostiako Antigua-Luberri BHI)
  
• B1: ekainaren 23tik 25era bitartean
  
• B2: ekainaren 30etik uztailaren 2ra bitartean
  
• C1: uztailaren 7tik 9ra
  
• C2: ekainaren 23tik 25era

*Azterketaren ordutegi zehatza izen-ematea eta gero zehaztuko du HABEk